ഇന്ത്യാ പോസ്റ്റിൽ 23,757 ഒഴിവുകൾ; പത്താം ക്ലാസ് യോഗ്യതയുള്ളവർക്ക് അവസരം
ഇന്ത്യാ പോസ്റ്റിന് കീഴിൽ ഗ്രാമീൺ ഡാക് സേവക് (GDS) തസ്തികകളിലേക്ക് നിയമനം. ബ്രാഞ്ച് പോസ്റ്റ്മാസ്റ്റർ (BPM), അസിസ്റ്റന്റ് ബ്രാഞ്ച് പോസ്റ്റ്മാസ്റ്റർ (ABPM), ഡാക് സേവക് എന്നീ തസ്തികകളിലായി 23,757 ഒഴിവുകളാണ് ഉള്ളത്. രാജ്യത്തെ വിവിധ പോസ്റ്റൽ സർക്കിളുകളിലാണ് ഒഴിവുകൾ.
തസ്തികകളും ഒഴിവുകളും
ബ്രാഞ്ച് പോസ്റ്റ്മാസ്റ്റർ (BPM)
അസിസ്റ്റന്റ് ബ്രാഞ്ച് പോസ്റ്റ്മാസ്റ്റർ (ABPM)
ഡാക് സേവക്
ആകെ 23,757 ഒഴിവുകളാണ് വിജ്ഞാപനം ചെയ്തിരിക്കുന്നത്. ഒഴിവുകളുടെ സർക്കിൾ തിരിച്ചുള്ള വിശദാംശങ്ങൾ ഔദ്യോഗിക GDS പോർട്ടലിൽ ലഭ്യമാണ്.
പ്രായപരിധി
18 മുതൽ 40 വയസ് വരെയാണ് പൊതുവായ പ്രായപരിധി. അർഹരായ സംവരണ വിഭാഗങ്ങൾക്ക് ചട്ടപ്രകാരമുള്ള പ്രായ ഇളവ് ലഭിക്കും.
യോഗ്യത
അംഗീകൃത ബോർഡിൽനിന്നുള്ള പത്താം ക്ലാസ് പാസ് ആണ് അടിസ്ഥാന വിദ്യാഭ്യാസ യോഗ്യത. പത്താം ക്ലാസ് തലത്തിൽ ഗണിതവും ഇംഗ്ലീഷും പഠിച്ച് വിജയിച്ചിരിക്കണം. അപേക്ഷിക്കുന്ന പോസ്റ്റൽ സർക്കിളിന് ബാധകമായ പ്രാദേശിക ഭാഷ പത്താം ക്ലാസ് വരെ പഠിച്ചിരിക്കണം.
ശമ്പളം
BPM: ₹12,000 മുതൽ ₹29,380 വരെ
ABPM/ഡാക് സേവക്: ₹10,000 മുതൽ ₹24,470 വരെ
നിബന്ധനകൾക്ക് വിധേയമായി TRCAയിൽ പ്രതിവർഷം 3 ശതമാനം വർധന ലഭിക്കും. ക്ഷാമബത്ത (DA) ഉൾപ്പെടെയുള്ള മറ്റ് ആനുകൂല്യങ്ങൾക്കും GDS ജീവനക്കാർക്ക് അർഹതയുണ്ട്.
സെലക്ഷൻ രീതി
GDS നിയമനത്തിൽ എഴുത്തുപരീക്ഷയില്ല. പത്താം ക്ലാസിലെ മാർക്കിന്റെ അടിസ്ഥാനത്തിൽ മെറിറ്റ് ലിസ്റ്റ് തയ്യാറാക്കിയാണ് തിരഞ്ഞെടുപ്പ് നടത്തുന്നത്.
അപേക്ഷാഫീസ്
₹100 ആണ് അപേക്ഷാഫീസ്. എന്നാൽ വനിതകൾ, പട്ടികജാതി/പട്ടികവർഗ വിഭാഗക്കാർ, നിശ്ചിത മാനദണ്ഡങ്ങൾ പാലിക്കുന്ന ഭിന്നശേഷിക്കാർ വിഭാഗത്തിലുള്ളവർ എന്നിവർക്ക് ഫീസ് ഒഴിവാക്കിയിട്ടുണ്ട്.
പ്രധാന തീയതികൾ
One-Time Registration: 2026 ഓഗസ്റ്റ് 31 മുതൽ സെപ്റ്റംബർ 19 വരെ
ഓൺലൈൻ അപേക്ഷയും ഫീസ് അടയ്ക്കലും: സെപ്റ്റംബർ 2 മുതൽ സെപ്റ്റംബർ 21 വരെ
അപേക്ഷ തിരുത്തൽ: സെപ്റ്റംബർ 23, 24
അപേക്ഷിക്കേണ്ട വിധം
ആദ്യം ഇന്ത്യാ പോസ്റ്റിന്റെ GDS റിക്രൂട്ട്മെന്റ് പോർട്ടലിൽ One-Time Registration പൂർത്തിയാക്കണം. തുടർന്ന് അപേക്ഷാ ഘട്ടത്തിൽ ആവശ്യമായ വിവരങ്ങൾ നൽകുകയും താൽപര്യമുള്ള പോസ്റ്റൽ സർക്കിളും തസ്തികകളും തിരഞ്ഞെടുക്കുകയും വേണം. ആവശ്യമായ രേഖകൾ അപ്ലോഡ് ചെയ്ത് അപേക്ഷാഫീസ് ബാധകമാണെങ്കിൽ ഓൺലൈനായി അടയ്ക്കണം.
കൂടുതൽ വിവരങ്ങൾക്കായി വെബ്സൈറ്റ് സന്ദർശിക്കുക 👇🏼