കേരള പൊലിസ് മൗണ്ടഡ് യൂണിറ്റില് ജോലിയവസരം; പി.എസ്.സി സ്ഥിര റിക്രൂട്ട്മെന്റിന് അപേക്ഷിക്കാം
കേരള പൊലിസിന്റെ മൗണ്ടന്റ് പൊലിസ് യൂണിറ്റിലേക്ക് കോണ്സ്റ്റബിള് റിക്രൂട്ട്മെന്റ്. സംസ്ഥാന തലത്തില് വന്നിട്ടുള്ള രണ്ട് ഒഴിവുകളിലേക്കാണ് നിയമനം. താല്പര്യമുള്ളവര്ക്ക് കേരള പി.എസ്.സി വെബ്സൈറ്റ് മുഖേന അപേക്ഷിക്കാം.
തസ്തികയും ഒഴിവുകളും
കേരള പൊലിസ് (മൗണ്ടഡ് പൊലിസ് യൂണിറ്റ്) ല് പൊലിസ് കോണ്സ്റ്റബിള്- ഫാരിയര് (മൗണ്ടഡ് പൊലിസ്). ആകെ ഒഴിവുകള് 02.
Department : Kerala Police (Mounted Police Unit)Name of Post :Police Constable - Farrier (Mounted Police)CATEGORY NO: 547/2025Last Date14.01.2026
ശമ്പളം
തെരഞ്ഞെടുക്കപ്പെടുന്നവര്ക്ക് പ്രതിമാസം 31,100 രൂപമുതല് 66800 രൂപവരെ ശമ്പളം ലഭിക്കും.
പ്രായപരിധി
18നും 26നും ഇടയിൽ പ്രായമുള്ളവർക്ക് അപേക്ഷിക്കാം. 02.01.1999 നും 01.01.2007-നും ഇടയിൽ ജനിച്ചവരായിരിക്കണം.
യോഗ്യതകൾ
വിദ്യാഭ്യാസ യോഗ്യത : പ്ലസ് ടു പരീക്ഷയോ തത്തുല്യപരീക്ഷയോ പാസ്സായിരിക്കണം
സംസ്ഥാന/കേന്ദ്ര സർക്കാർ അല്ലെങ്കിൽ സംസ്ഥാന സ്പോര്ട്ട്സ് കൗൺസിൽ/ സ്പോര്ട്ട്സ് അതോറിറ്റി ഓഫ് ഇന്ത്യയുടെ കീഴിൽ രജിസ്ട്രേഷനുള്ള ഏതെങ്കിലും ഒരു സ്ഥാപനം/സ്പോര്ട്ട്സ് ക്ലബിൽ നിന്ന് കുതിര കുളമ്പുകളുടെ പരിപാലനം, കുളമ്പുകളുടെ ട്രിമ്മിംഗ്, ബാലൻസ് ചെയ്യൽ, കുളമ്പുകളിൽ ഷൂസ് സ്ഥാപിക്കൽ, കുതിര ഷൂസ് നിർമ്മിക്കൽ എന്നിവയിൽ കുറഞ്ഞത് ഒരു വർഷത്തെ പരിചയം ഉണ്ടായിരിക്കണം.
ശാരീരിക യോഗ്യതകൾ
എല്ലാ ഉദ്യോഗാർത്ഥികളും ശാരീരിക ക്ഷമതയുള്ളവരും താഴെപ്പറയുന്ന ശാരീരിക അളവുകൾ ഉള്ളവരുമായിരിക്കണം:-
ഉയരം: 168 cm ൽ കുറയരുത്
നെഞ്ചളവ്: കുറഞ്ഞത് 81 സെ.മീ ഉം പൂർണ്ണ ഉച്ഛ്വാസത്തിൽ കുറഞ്ഞത് 5 സെ.മീ വികാസവും വേണം.
പട്ടികജാതി/പട്ടികവർഗ്ഗ വിഭാഗത്തിൽപ്പെട്ട ഉദ്യോഗാർത്ഥികൾക്ക് കുറഞ്ഞത് 161 സെ.മീ ഉയരവും 76 സെ.മീ നെഞ്ചളവും മതിയാകുന്നതാണ്. എന്നാൽ മേൽപ്പറഞ്ഞ വിഭാഗം ഉദ്യോഗാർത്ഥികൾക്കും നെഞ്ചളവിൽ കുറഞ്ഞത് 5 സെ.മീ വികാസം എന്ന നിബന്ധന ബാധകമാകുന്നതാണ്.
ഫിസിക്കൽ ടെസ്റ്റ്
കേരള പി.എസ്.സി നടത്തുന്ന ഫിസിക്കൽ എഫിഷ്യൻസി ടെസ്റ്റ് പാസായിരിക്കണം. ചുവടെ നൽകിയ പട്ടികയിലുള്ള എട്ടിനങ്ങളിൽ അഞ്ചിലെങ്കിലും വിജയിക്കണം.
കായിക ഇനംയോഗ്യത (പുരുഷന്മാർ)100 മീറ്റർ ഓട്ടം17 സെക്കൻഡ്ഹൈജമ്പ്1.06 മീറ്റർലോംഗ്ജമ്പ്3.05 മീറ്റർഷോട്ട്പുട്ട് (7264 ഗ്രാം)4.88 മീറ്റർക്രിക്കറ്റ് ബോൾ ത്രോ36 സെക്കൻഡ്കയറുമേൽ കയറ്റം (കൈകൾ മാത്രം ഉപയോഗിച്ച്) 14 മീറ്റർപുൾ അപ്സ്/ചിന്നിംഗ്26 സെക്കൻഡ്1500 മീറ്റർ ഓട്ടം1 മിനിറ്റിൽ 80 തവണ
അപേക്ഷിക്കേണ്ട വിധം
ഉദ്യോഗാർത്ഥികൾ കേരള പബ്ലിക് സർവ്വീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്. രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്ത ശേഷം സ്വന്തം profile ലൂടെ അപേക്ഷിക്കേണ്ടതാണ്. ഓരോ തസ്തികയ്ക്ക് അപേക്ഷിക്കുമ്പോഴും പ്രസ്തുത തസ്തികയോടൊപ്പം കാണുന്ന Notification Link-ലെ Apply Now -ൽ മാത്രം click ചെയ്യേണ്ടതാണ്. അപേക്ഷാ ഫീസ് നൽകേണ്ടതില്ല. ഓരോ തസ്തികയ്ക്ക് അപേക്ഷിക്കുന്നതിന് മുൻപും തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.