ആധാറില് 78 ഒഴിവുകള്; അപേക്ഷ ഏപ്രില് 20 വരെ
സി.എസ്.സി ഇ-ഗവേണന്സ് സര്വീസസ് ഇന്ത്യ ആധാര് സൂപ്പര്വൈസര്/ ഓപ്പറേറ്റര് ഒഴിവുകളിലേക്ക് റിക്രൂട്ട്മെന്റ് നടക്കുന്നു. രാജ്യത്തുടനീളം 78 ഒഴിവുകളാണ് വന്നിട്ടുള്ളത്. യോഗ്യരാ ഉദ്യോഗാര്ഥികള്ക്ക് ഏപ്രില് 20വരെ അപേക്ഷിക്കാം.
തസ്തികയും ഒഴിവുകളും
ആധാർ ഡിപ്പാർട്ട്മെന്റിൽ സൂപ്പർവൈസർ/ഓപ്പറേറ്റർ റിക്രൂട്ട്മെന്റ്. ആകെ ഒഴിവുകൾ 78.
ബിഹാർ 14 ഒഴിവ്
ഗോവ 1 ഒഴിവ്
പഞ്ചാബ് 8 ഒഴിവ്
ഉത്തർപ്രദേശ് 30 ഒഴിവ്
ഉത്തരാഖണ്ഡ് 1 ഒഴിവ്
മഹാരാഷ്ട്ര 24 ഒഴിവ്
പ്രായപരിധി
കുറഞ്ഞത് 18 വയസ്സ് പൂർത്തീകരിച്ചിരിക്കണം. സർക്കാർ നിയമങ്ങൾക്കനുസരിച്ച് ഉയർന്ന പ്രായപരിധിയിൽ അർഹരായവർക്ക് ഇളവുകൾ ലഭ്യമാകും.
യോഗ്യത
വിദ്യാഭ്യാസ യോഗ്യതയായി പന്ത്രണ്ടാം ക്ലാസ് വിജയം, അല്ലെങ്കിൽ പത്താം ക്ലാസും രണ്ടുവർഷത്തെ ഐ.ടി.ഐയും, അതുമല്ലെങ്കിൽ പത്താം ക്ലാസും മൂന്നുവർഷത്തെ പോളിടെക്നിക് ഡിപ്ലോമയും നിർബന്ധമാണ്.
ദേശീയ തിരിച്ചറിയൽ അതോറിറ്റി (UIDAI) അംഗീകരിച്ചിട്ടുള്ള ഒരു ടെസ്റ്റിംഗ് ഏജൻസി നൽകിയിട്ടുള്ള ആധാർ ഓപ്പറേറ്റർ/സൂപ്പർവൈസർ സർട്ടിഫിക്കറ്റ് ഉണ്ടായിരിക്കണം.
ആധാർ എന്റോൾമെന്റ്/അപ്ഡേറ്റ് സോഫ്റ്റ്വെയറുകൾ പ്രവർത്തിപ്പിക്കുന്നതിനും ഡാറ്റാ എൻട്രിയുമായി ബന്ധപ്പെട്ട കാര്യങ്ങൾ കൈകാര്യം ചെയ്യുന്നതിനും ബയോമെട്രിക് ഉപകരണങ്ങൾ ഉപയോഗിക്കുന്നതിനും ആവശ്യമായ അടിസ്ഥാന കമ്പ്യൂട്ടർ പരിജ്ഞാനവും അത്യാവശ്യമാണ്.
ശമ്പളം
തിരഞ്ഞെടുക്കപ്പെടുന്നവർക്ക് അതാത് സംസ്ഥാനങ്ങളിലെ അർദ്ധ-വിദഗ്ദ്ധ തൊഴിലാളികൾക്കായി നിശ്ചയിച്ചിട്ടുള്ള കുറഞ്ഞ വേതനം ലഭിക്കുന്നതാണ്. ഓരോ സംസ്ഥാനത്തെയും വേതന നിയമങ്ങൾക്കനുസരിച്ച് ശമ്പള നിരക്കിൽ മാറ്റങ്ങൾ വരാം.
അപേക്ഷിക്കേണ്ട വിധം
യോഗ്യരായ ഉദ്യോഗാർത്ഥികൾ ഔദ്യോഗിക സി.എസ്.സി. ഇ-ഗവേണൻസ് സർവീസസ് ഇന്ത്യ വെബ്സൈറ്റായ csc.gov.in hgn സന്ദർശിക്കുക. ശേഷം വെബ്സൈറ്റിന്റെ ഹോംപേജിൽ 'Recruitment/Careers/Latest Opening' എന്ന ലിങ്ക് തുറക്കുക. തുടർന്ന് 'CSC e-Governance Services Indian Aadhaar Superviosr/ Operator Recruitment 2026' തിരഞ്ഞെടുത്ത് വായിച്ച് മനസിലാക്കുക.
ആദ്യമായി അപേക്ഷിക്കുന്നവർ (New Registration) പൂർത്തിയാക്കണം. ഇതിനായി പേര്, മൊബൈൽ നമ്പർ, ഇമെയിൽ ഐഡി, ജനനത്തീയതി തുടങ്ങിയ അടിസ്ഥാന വിവരങ്ങൾ നൽകി ഒരു പാസ്വേഡ് ഉണ്ടാക്കുക. പിന്നീട്, ഈ വിവരങ്ങൾ സമർപ്പിച്ച് നിങ്ങൾക്ക് ഒരു രജിസ്ട്രേഷൻ ഐഡിയും പാസ്വേഡും ലഭിക്കും. തുടർന്ന് രജിസ്ട്രേഷൻ ഐഡിയും പാസ്വേഡും ഉപയോഗിച്ച് ലോഗിൻ ചെയ്ത ശേഷം ഓൺലൈൻ അപേക്ഷാ ഫോം പൂരിപ്പിക്കുക. സംശയങ്ങൾക്ക് വിജ്ഞാപനം കാണുക. അപേക്ഷ നൽകേണ്ട അവസാന തീയിത ഏപ്രിൽ 20.
വിജ്ഞാപനം: https://cscspv.in/ask-job.html