കാനറാ ബാങ്കില് അപ്രന്റിസ് ഒഴിവുകള്; കേരളത്തില് 240..
2026-27 സാമ്പത്തിക വര്ഷത്തേക്കുള്ള 3,500 ഗ്രാജ്വേറ്റ് അപ്രന്റിസ് തസ്തികകളിലേക്കുള്ള നിയമന നടപടികള് കനറാ ബാങ്ക് പ്രഖ്യാപിച്ചു. തിരഞ്ഞെടുക്കപ്പെടുന്ന ഉദ്യോഗാര്ത്ഥികള്ക്ക് ഒരു വര്ഷത്തെ അപ്രന്റിസ്ഷിപ്പ് പരിശീലനം ലഭിക്കുന്നതിനൊപ്പം പ്രതിമാസം 16,650 രൂപ സ്റ്റൈപ്പന്ഡും ലഭിക്കും. ഓണ്ലൈന് അപേക്ഷാ നടപടികള് 2026 ഒക്ടോബര് 1-ന് ആരംഭിക്കും. ഉദ്യോഗാര്ത്ഥികള് ആദ്യം നാഷണല് അപ്രന്റിസ്ഷിപ്പ് ട്രെയിനിംഗ് സ്കീം പോര്ട്ടലില് രജിസ്റ്റര് ചെയ്യണം.
ശേഷം തങ്ങളുടെ പ്രൊഫൈല് 100 ശതമാനം പൂര്ണ്ണമാണെന്ന് ഉറപ്പാക്കുകയും വേണം. ഓണ്ലൈനായി മാത്രമേ അപേക്ഷകള് സ്വീകരിക്കുകയുള്ളൂ. ആകെ 3,500 ഒഴിവുകളില് 1,541 എണ്ണം ജനറല് വിഭാഗത്തിനും, 845 എണ്ണം ഒബിസി വിഭാഗത്തിനും, 553 എണ്ണം പട്ടികജാതി വിഭാഗത്തിനും, 335 എണ്ണം സാമ്പത്തികമായി പിന്നോക്കം നില്ക്കുന്ന വിഭാഗത്തിനും, 226 എണ്ണം പട്ടികവര്ഗ്ഗ വിഭാഗത്തിനുമായാണ് നീക്കിവെച്ചിരിക്കുന്നത്.
കര്ണാടകയിലാണ് ഏറ്റവും കൂടുതല് ഒഴിവുകള് (581). തൊട്ടുപിന്നാലെ ഉത്തര്പ്രദേശ് (409), തമിഴ്നാട് (391) എന്നിവയുണ്ട്. ആന്ധ്രാപ്രദേശില് 247, കേരളത്തില് 240, മഹാരാഷ്ട്രയില് 205, പശ്ചിമ ബംഗാളില് 150, തെലങ്കാനയില് 134, ബിഹാറില് 122, ഹരിയാനയില് 114, മധ്യപ്രദേശില് 110, ഒഡീഷയില് 104 എന്നിങ്ങനെയാണ് മറ്റ് സംസ്ഥാനങ്ങളിലെ ഒഴിവുകള്.
അംഗീകൃത സര്വ്വകലാശാലയില് നിന്ന് ഏതെങ്കിലും വിഷയത്തില് ബിരുദം നേടിയവരായിരിക്കണം അപേക്ഷകര്. 2023 ജനുവരി 1-നും 2026 സെപ്റ്റംബര് 1-നും ഇടയിലുള്ള കാലയളവിലാണ് ബിരുദം പൂര്ത്തിയാക്കിയിരിക്കേണ്ടത്. ജനറല്, ഒബിസി, ഇഡബ്ല്യുഎസ് വിഭാഗത്തിലുള്ള ഉദ്യോഗാര്ത്ഥികള് പ്ലസ് ടുവിലോ ഡിപ്ലോമയിലോ കുറഞ്ഞത് 60 ശതമാനം മാര്ക്ക് നേടിയിരിക്കണം.
എസ് സി, എസ്ടി, ഭിന്നശേഷി വിഭാഗക്കാര്ക്ക് കുറഞ്ഞത് 55 ശതമാനം മാര്ക്ക് മതിയാകും. യോഗ്യതാ മാനദണ്ഡങ്ങള് പാലിക്കുന്നതിനായി മാര്ക്ക് റൗണ്ട് ഓഫ് ചെയ്യാന് അനുവദിക്കില്ല. 2026 സെപ്റ്റംബര് 1-ലെ കണക്കനുസരിച്ച് ഉദ്യോഗാര്ത്ഥികള്ക്ക് 20-നും 28-നും ഇടയില് പ്രായമുണ്ടായിരിക്കണം. സര്ക്കാര് ചട്ടങ്ങള് പ്രകാരം സംവരണ വിഭാഗക്കാര്ക്ക് പ്രായപരിധിയില് ഇളവ് ലഭിക്കും.